面懵懵──當老馮（老馮，意謂奉旨也。)
牙斬斬──死得慘（禍從口出。）
眼大大──易學壞（青春少艾，容易誤入歧途。）
眼眨眨──扮花旦（雖無過犯，面目可憎之輩。）
眼濕濕──扮憂鬱（貓哭老鼠。）
笑騎騎──放毒蛇（笑裡藏刀也。）
聲大大──冇貨賣（言過其實。）
嘴藐藐──打得少（口花花，撩是鬥非。）
隨口噏──當秘笈（語不驚人誓不休。）
口水多──無尿屙（指喜歡發表偉論的人。香港俗語有云：
口水多過茶。噴口水多到連尿也沒有，厲害可想而知。）
吹吹水──唔抹嘴（吹水，口沫橫飛，愛吹牛皮。）
口旱旱──食咳糖（口水都無滴。）
聽唔明──扮純情（裝模作樣。）
手頭緊──搵真銀（勤力搵錢。）
繞埋手──晨早走（練精學懶。）
周身郁──扮忙碌（郁者，動也；講多過做。）
側側膊──唔多覺（得過且過，求求其其。）
有胸毛──出嚟蒲（惡人形象。）
手毛長──性慾強（順口溜而已，無科學根據也。）
白白淨──冇性病（稱讚女孩子的美言。黃花閨女也。）
人之初──口多多（童言無忌，口不擇言。）
人嚇人──好易暈（廣東俗語：人嚇人無藥醫。意謂畀人嚇慘過畀鬼嚇。）
細細兜──容易媾（初出茅廬少女，容易被騙也。）
擔凳仔──霸頭位（驚死執輸。）
一張票──睇到笑（香港三級色情電影戲院買一張票可以整天任看。）
包二奶──實聽拉（香港人回大陸偷情十分危險。）
二三線──好難變（二三線指不是主角的次級貨色。不好的東西很難變好。）
二仔底──冇得睇（「沙蟹」術語，輸多贏少。）
三缺一──慘過乞（麻雀友術語。）
四圍酒──鬥疊友（疊友，黑幫背語。指人多勢眾。）
七八九──飲到嘔（「七八九」是卡拉OK夜店的猜枚遊戲。）
十八樓──自己友（街坊街里，守望相助。）
馬照跑──女照搞（九七年之後，香港保留資本主義制度，五十年不變。）
靜雞雞──認低威（衰衰地跪低，認錯也。）
烏啄啄──任人將（做人糊塗，容易被人騙。）
知少少──扮代表（貪功認叻。）
淡淡定──有錢剩（凡事處變不驚。）
失失慌──害街坊（小不忍則亂大謀。）
頻頻撲──冇聯絡（貴人善忘。）
穩穩陣──做半份（安全第一，辦事不要博得盡。）
姿姿整──有環境（露出馬腳。）
眼光光──等天光（失眠，滿懷心事。）
印印腳──等人約（無所事事。）
咁人齊──等發圍（同心協力。）
趁佢病──攞佢命（趕盡殺絕。）
趁你病──撻你訂（撻定，地產買賣術語，放棄交易也。乘人之危落井下石。）
出嚟威──識搶咪（要懂得爭取機會。）
唔想衰──埋大堆（圍結就是力量。）
唔夠班──執二攤（未夠斤兩。）
着草鞋──有排捱（着草，黑語，走路、避難之意。）
有異性──無人性（見色忘義。）
有殺錯──冇放過（寧枉莫縱也。）
有早知──冇乞兒（世事難料。）
晨早知──中三T（三T，香港最多獎金的賽馬彩池。）
搞搞震──冇幫襯（搞事破壞份子。）
搏大霧──唔使做（混水摸魚。）
咖喱啡──扮阿姐（泥鯭充石斑。）
懶癡纏──博可憐（做戲咁做。）
撚雀籠──遲早窮（敗家的形象。）
有竇口──早啲抖（安得廣廈千萬間。）
有姿勢──冇實際（虛有其表。）
有交易──靠實力（不靠旁門左道。）
讀書少──畀人藐（學識低者，會被人看不起。）
噍多件──攞嚟賤（自己攞衰。）
買藍籌──唔駛愁（藍籌，高質素股票。）
賺快錢---- 炒孖展（孖展，高風險投資, 如同賭博，可發大達，也可傾家蕩產。）
過大海──博好彩（大海，指澳門，香港人假期喜歡到澳門賭場搏殺。）
當我流──拋浪頭（流，即假，非真材實料，拋浪頭即靠吹牛皮，靠嚇。）
賣大包──任人抄（不計較得失。）
有得賭──精神好（爛賭之輩。）
時運高──搏番鋪（掌握時機。）
贏粒糖──輸間廠（十賭九輸。）
贏把遮──輸架車（前句另一個版本。）
