閻羅王開攤(賭檔) - 鬼買
鐵枴李打足球(踢波) - 一腳踢
老鼠看糧倉 - 監守自盜
老鼠尾生瘡 - 大極有限
鹹菜煮豆腐 - 不用多（鹽）言
戲棚番鬼 - 聽殺
交通燈 - 點紅點綠
十一哥 - 土佬
二打六 - 未夠斤兩
大肚婆過獨木橋 - 挺而走險
狐貍吵架 - 一派（狐）胡言
一二三五六 - 無（四）事(國語) / 無死(廣東話) / No Fall
和尚出山 - 走下坡
菠蘿雞 - 靠黐 專佔便宜）
蠶蟲師爺 - 作繭自縳
倒掛臘鴨 - 油嘴滑舌
生蟲枴杖 - 靠唔住（不可靠）
騎牛遇親家 - 出醜偏遇熟人
姜太公封神 - 漏了自己（自己沒有分）
竹織鴨 - 冇心肝 (沒良心，忘恩負義)
阿聾送殯 - 唔聽笛（不理睬，不聽指揮）
賣魚佬洗身 - 冇曬聲（腥）氣（沒了希望）
黃皮樹了哥 - 唔熟唔食（專揀熟人來騙）
過後媒人秋後扇 - 無人過問，扔一邊
阿聾養雞 - 提都唔提（啼也不啼）
檐（簷）邊獅子 - 惡到盡（惡極了），惡到滿
雲頭上跑馬 - 露出馬腳
水過鴨背 - 唔裝載（無心去聽，沒在意）
秋蟬跌落地 - 無晒聲（作聲不得）
烏蠅褸馬尾 - 一拍兩散
生骨大頭菜 - 縱（種）壞
水瓜打狗 - 唔見了一截
泥水佬開門口 - 過得自己過得人
公雞戴帽 - 官（冠）上加官（冠）
光棍佬教仔 - 便宜莫貪
濕水欖核 - 兩頭滑
牛皮燈籠 - 點極都唔明（怎樣也不開竅）
指住棺材叫捉賊 - 冤枉死人（冤枉極了）
木簸箕 - 滴水不漏
屎坑關刀 - 文（聞）唔（不）得，武（舞）唔（不）得
跪地餼豬乸 - 睇錢分上（看在錢的分上）
斷柄鋤頭 - 冇揸拿（沒把握）
陸榮廷睇相 - 唔衰攞離衰（自討苦吃、自討沒趣）
秀才手巾 - 包輸(書)
神台桔 - 陰幹(憔悴、緩慢地虧虛)
屎坑三姑 - 易請難送
隔夜油炸鬼 - 冇厘火氣(沒點陽剛氣)
棚尾拉箱 - 暗中走人(偷偷溜了)
單眼佬睇女婿 - 一眼睇晒(一眼看清)
航空母艦 - 食水深（賺得過分）
黃鱔上沙灘 - 唔死一身潺（不死也差不多了）
深海石斑 - 好瘀（魚）（很丟臉，沒面子）
過河卒 - 有進冇退（只能進不能退）
塘邊鶴 - 睇準來食
紙紮下巴 - 口輕輕（說話沒個準，沒斤）
白糖炒苦瓜 - 同甘共苦
禾稈目珍珠 - 藏而不露
潮州音樂 - 自己顧自己
鼎湖上素 - 好齋
老鼠跌落天秤 - 自己稱自己
火麒麟 - 周身癮（引）
老虎頭上釘蝨乸 - 唔知死（不知兇險）
周瑜打黃蓋 - 一個願打，一個願捱
白菜煮豆腐 - 一清二白
過橋抽板 - 忘恩負義
賣鯇魚尾 - 搭嘴
茅根竹 - 借（庶）水
發夢游西湖 - 好景不長
三夾皮上雕花 - 刻薄
向飛發佬拜師 - 從頭學起
山仔過馬路 - 死衝
床下底破柴 - 撞板
風吹雞蛋殼 - 財散人安樂
床下底放紙妖 - 高極D有限
三水佬摸了哥 - 五隻，五隻
火燒旗杆 - 長歎
